BETS van der Vyver het al haar getroude lewe lank in Adelaide gewoon.
Sy woon nou al vir 16 jaar in Somerset-Oos en is ’n ouderling by die NG Kerk. Sy het twee dogters, Chrizette en haar gesin wat eersdaags Australië toe verhuis; en Mercia wat in Huis Silwerjare in Somerset-Oos woon. Mercia is die bekende skryfster, Freda Moon.
Bets se stokperdjie is om te kook en sy is gaande oor babas.
Sy deel graag een van haar resepte met die Mid-Karoo Express-lesers.
Groenbone a la Suise
Bestanddele
500g groenbone, skuins gesny
2 eetlepels mieieblom
Sout en peper na smaak
1 teelepel suiker
1 teelepel ui, fyn gerasper
1 koppie suurroom
1 koppie kaas, gerasper
2 eetlepels Marmite-botter (smelt 3 eetlepels botter en 1 eetlepel Marmite)
Metode
1. Kook bone tot sag.
2. Meng 2 eetlepels marmite-botter met mielieblom, suiker, sout, peper en ui.
3. Voeg suurroom geleidelik by en roer af en toe tot dik.
4. Water bone goed af en vou by mengsel in.
5. Sit in bak en sprinkel kaas oor en bak vir 5 tot 7 min op 180°C.