OP Saterdag, 10 Februarie het 41 van die Hoërskool Cradock se atlete aan die distrikte atletiekbyeenkoms deelgeneem.
Hierdie byeenkoms is vanjaar aangebied deur die Hoër Landbouskool Marlow by die Cradock-sportkompleks. CHS se atlete het baie goeie vertonings gelewer en hulself bewys as waardige opponente.
’n Paar prestasies wat uitgestaan het sluit in: Litha Hermanus wat in die eerste posisie geëindig het in al vier haar items: o.15 100m (13.24sek), 200m (27.80sek), 400m (1:04.22) en 90mH (16.16 sek).
Zanelle Weitz verower drie eerste plekke: o.19 gewigstoot (8.00m), diskus (26.46) en spiesgooi (23.57m) met Lenay Booysen o.16 200m (28.97 sek), 400m (1:04.48), Marike Dannhauser o.19 200m (27.49 sek), 400m (1:02.86) en Ian Rieck s o.16 400m (54.60 sek), 800m (2:11.23) wat elk twee eerste plekke losgehardloop het.
Goeie vertonings word ook gelewer deur Franco Colarossi (gewigstoot), Janade Bouwer (spiesgooi), Zaanri Hay (gewigstoot) asook Marico Isaacs, Sherwin Mayeki en Jac-Mari Saptoe wat elkeen pragtige tye in die 100m-, sowel as die 200m-items gehardloop het.
Beaulane van Jaarsveld het ’n skoolrekord in die meisies o.17-gewigstoot opgestel deur die vorige rekord van 11.01m na 11.72m te verbeter.