CRADOCK Brugklub het die afgelope naweek ’n goed ondersteunde brugtoernooi by die Victoria Manor en Tuishuise aangebied.
Spelers van reg oor die Oos-Kaap en van dorpe soos Port Alfred, Jeffreysbaai, Knysna, Port Elizabeth, St Francisbaai, Grahamstad en Bedford het saam met plaaslike spelers meegeding.
Die toernooi is in twee dele verdeel en het Vrydagaand ’n aanvang geneem toe 27 pare teen mekaar meegeding het.
Wenners van die pare-afdeling was Mike Wright en Viv Lloyd van Knysna.
Saterdagmiddag en Sondagoggend het twaalf spanne van vier teen mekaar meegeding en het Knysna se “Mallison”-span van Clyde Mallison, Torquil Paterson, Heidi Atkinson en Lin Gubb skoonskip gemaak, met die Malanspan van Patensie kort op hul hakke.
Cradock se Brugklub wil graag die deelnemers bedank vir hul ge-troue ondersteuning wat die toernooi ’n reuse sukses gemaak het.
Hulle spreek ook hul dank uit teenoor die borge asook die perso-neel van Victoria Manor wat die toernooi seepglad laat verloop het.