OP Saterdag, 10 Februarie het die Hoërskool Cradock met Union High van Graaff-Reinet se tweede span op Cradock kragte gemeet.
Union High het besluit om eerste te kolf en het 148 lopies aangeteken. Hul beste kolwer was G. Jeneke met 36 lopies.
CHS het baie goed geboul met Ryan Gowar wat 4 paaltjies vir 25 lopies in 7 boulbeurte laat kantel het. Hy is goed deur Musa Green bygestaan wat 3 paaltjies vir 20 geneem het in sy 8 beurte.
CHS het gaan kolf en L.Rasmeni het weereens baie goed gekolf en teken nog ’n 50-tal aan. Niel Slabbert kolf bestendig en teken ’n onoorwonne 21 lopies aan. CHS het 149.5 met nog 5 boulbeurte oor behaal en wen dus die kragmeting met 5 paaltjies.