Drie leerlinge van Hoër Volkskool het deelgeneem aan die Suid-Afrikaanse Saalperd Kampioenskapsbyeenkoms by die Bloemskou van 24 tot 28 April.
Die ruiters het hier deelgeneem aan uitdunne vir die Kampioen van Kampioene, wat ’n glans- geleentheid is waar die top 8 ruiters van 18 jaar en jonger teen me-kaar deelneem.
Zileke de Jager is gekies vir die top 8 van die 5-gang finaal en het ’n algehele sewende plek in die finaal behaal.
Zanki Botha het deurgedring na die top 8 in die 3-gang finaal waar sy ook in die sewende plek geëindig het.
In die Suid-Afrikaanse Kampioenskapklasse het Marichen Piek en Zanki Botha skitterende plasings behaal.
Marichen Piek het as die Suid-Afrikaanse Kampioen 3-gang Ruiter van 18 jaar en onder geëindig, terwyl Zanki die Suid-Afrikaanse Kampioen 3-Gang Ruiter van 14 jaar en onder is. Sy is ook gekies as ’n reserwe Suid-Afrikaanse Kampioen 5-gang Ruiter van 14 jaar en onder.
Sy het ook ’n derde en twee vierde plekke in die Kinderryperdklasse van 14 jaar en onder behaal.