MARIAAN Schoeman van die Karoobos Lodge en Padstal het ’n Mark in die Park op Goeie Vrydag vanuit die Lavender-parkie oorkant die Lodge aangebied.
Talle stalletjies is opgeslaan en bykans enige iets op aarde is gesmous – van boute en skroewe en moere, tot sagteband-liefdesverhale, koffiebekers met potplante en natuurlik heerlike eetgoed en pragtige skilderye.
Verkope was goed en talle stalletjies was dolleeg teen 12:00.
Hierdie gaan nou ’n gereelde maandelikse instelling word en die volgende Mark in die Park word weer op 28 April in die La-vender-parkie oorkant die lodge aangebied.
Kontak gerus vir Mariaan Schoeman by 048 885 0110 om stalletjies te bespreek. Besoek ook gerus Hofmeyr daardie dag en ondersteun die bemarkers.