DAAR word ernstig voorbereidings getref om die spanne en spelers vanuit Hofmeyr-rolbalklub na die All Cape-rolbaltoernooi in Oos-Londen te stuur.
Die All Cape-rolbaltoernooi word vanaf 22 tot 29 April in Oos-Londen aangebied en alle rolbalbane in Oos-Londen en omgewing sal vir die toernooi gebruik word. Altesame 480 top rolbalspelers vanuit die hele Kaappro-vinsie sal deelneem.
Piet Roux (skip), Willem Herselman, Lennox Edwards en Roelf Opperman, Robert Lord en Charles Lord speel saam met twee Middelburgspelers.
David Lord (Hofmeyr), Wayne Porter, Johnny Phillips en Len Price (al drie van Tarkastad) gaan ook deelneem. Naas Vermaak van Hofmeyr sou ook speel, maar as gevolg van ’n hartomleidingsoperasie en opvolg-operasie sal hy vanjaar nie kan speel nie.
Die wenspan van verlede jaar – Ian van Heerden (skip), Bevis Richardson, Dennis Richardson (al drie van Tarkastad) en Gerald Fletcher (Hofmeyr) – neem weer deel om hul titel te verdedig.
Uitslae sal beskikbaargestel word aan Mid-Karoo Express ná afloop van die toernooi.