INGE Stickling van Cradock deel vandeesweek haar resep vir wortelkolwyntjies (muffins) met die Mid-Karoo Express se lesers.
Dié ma lê haar veral toe op die bak van soetgoed wat sy aan ’n plaaslike tuisnywerheid voorsien.
Wortelkolwyntjies
Bestanddele:
2 koppies koekmeelblom
2 teelepels koeksoda
½ teelepel sout
½ teelepel kaneel
½ koppie suiker
1 eier
1 koppie melk
¼ koppie olie
1 koppie gerasperde wortel en neute (gemeng)
Metode:
. Voorverhit die oond tot 170 °C.
. Meng al die droë en nat bestanddele saam.
. Voeg die gerasperde wortel en neute laaste by en meng deur.
. Skep die mengsel in kolwyntjiepannetjies of papierhouertjies.
. Bak teen 170 °C vir 15 tot 20 minute.
. Versier die kolwyntjies met roomkaasversiersel en gekapte neute.