DIE Karoo Springbokke se sportklub het op 3 Maart aan ’n Middellande-toernooi op Fort Beaufort deelgeneem.
Verskeie netbal- en rugbyklubs het ook deelgeneem. Die eerste wedstryd het tussen die twee huismaats Evergreens-sportklub en Karoo Springbokke plaasgevind.
Karoo Springbokke het Evergreens met 14 doele teenoor 8 geklop. Karoo Springbokke het na die eindstryd deurgedring waar hulle teen Wild Boys se netbalspan met 5 doele teenoor 4 verloor het.
Chante Allens en Jeru-Ann Pieters was skitterend met hul doele, maar wat die span grootliks onoorwonne gemaak het, was almal se toewyding en spanpoging.
’n Spesiale dank het aan Lezelia Holland, Andrea Free en Susan de Maar gegaan vir hulle leiding en die klub het ook hul dank betuig teenoor hul ondersteuners wat saam met die span na Fort Beaufort gereis het.