MIDDELBURG se Demokratiese Alliansie-tak in Wyk 9 het verlede week Valentynsdag saam met inwoners van Kwanozame-woonbuurt en Middelburg gevier.
Ná ’n takvergadering in Kwanozame het bestuurslede stokkielekkers en kaartjies aan die kinders uitge-deel en is ’n heerlike skaappotjie bedien. Inwoners van Huis Karee op die dorp is bederf met kaartjies en ietsie soet.
Die bestuur van Wyk 9 word hart-lik bedank vir hul donasies om die dag moontlik te maak.
