’n NUWE, spesiale projek, naamlik BORG-’n-BLOK lei tot groot opgewondenheid onder die leerders van die Laerskool Cradock.
Daar bestaan ’n dringende behoefte om ’n gedeelte van die skoolterrein met sementblokke te pla-vei, sodat die leerders hul skooltasse op ’n skoon aantree-area kan plaas.
Die idee om dié gebied ook later met skadunet te bedek, word ook in die vooruitsig gestel, sodat die leerders teen die bloedige Cradock-son beskerm kan word.
Daar sal erkenning gegee word aan almal wat die projek onder- steun.
Voormalige leerders, ouers, onderwysers, sakelui of enige inwoners en vriende van die Laerskool Cradock word vriendelik uitge-nooi om ’n bydrae te maak en sodoende hul voetspore wat hul oor die jare in hierdie ou skoolgebou en op die terrein nagelaat het, te herbevestig.
Projek “BORG-’n-BLOK” behels die volgende:
. Sementblokke word teen R50 elk geborg. Mense is welkom om meer as een blok te borg.
. Die spoor moet dan verder ge-neem word deur familie en vriende, kollegas en kliënte te vertel en te motiveer om ook ’n bydrae te maak.
. ’n Muurpaneel waarop donateurs se name verskyn, sal op die terrein aangebring word.
Die huidige leerders van die skool se hand-afdrukke en voetspore sal gebruik word om hierdie spesiale muur te versier.
. Die donasie kan in kontant by die skool inbetaal word of direk in die skool se bankrekening gedeponeer word by:
Absa Lopende rekening: 1550670018.
Verwysing: Borg-’n-Blok met donateur se naam en van.