SHENA MacDonald het op haar onlangse Flower Encounter-toer ook op Hofmeyr aangedoen, en die afgelope week haar Flower Encounter-skilderopleiding in die NG Kerksaal op die dorp aangebied.
Sewe vroue het die geleentheid bygewoon. Besprekings vir die kursus is reeds in Desember gemaak en Sanet Coetzer het die reëlings op Hofmeyr hanteer.
Die kunstenaars het reeds vroeg Januarie besluit watter blomme hul wil skilder, en vir drie dae was dit al wat hulle op ’n daaglikse basis gedoen het.
Alle skilderye is op groot gespande doeke gedoen en olieverf is as medium gebruik.
Shena se Flower Encounter-ervaring kan besigtig word op Facebook, waar sy volledig verslag doen oor haar toere deur die lengte en breedte van Suid-Afrika.
Sy het in Indië met die kursusse begin in samewerking met haar tweelingsuster Alanna.