LIZAN Burger van Retreaders op Somerset-Oos, se dogter, Alzena Mulder, is op 27 Mei in die parkeergebied van ’n winkelsentrum in Somerstrand, Port Elizabeth, gekaap.
Alzena is ’n oud-Gilliaan en tans ’n derdejaar-onderwysstudent aan die NMU in Port Elizabeth.
Haar ontvoerder het met haar tot amper in Despatch gery voordat hy haar afgelaai het. Alzena het kop gehou en mooi met haar ontvoerder gepraat en probeer uitvind hoekom hy doen wat hy doen.
Haar kalmte het die kaper blykbaar van plan laat verander en hy het haar by bosse afgelaai.
Sy het teerpad toe gehardloop waar sy twee motors probeer stop het, sonder sukses.
Die derde motor wat sy gesien het, is bestuur deur ’n adjudant-offisier in die polisie, wat vir haar stil gehou en opgelaai het.
Genadiglik het Alzena sonder beserings van hierdie beproewing afgekom. Net haar bankkaart is gesteel, maar selfs die inkopies wat sy gedoen het, het die kaper saam met haar afgelaai.
Haar motor, ’n Toyota Tazz DDL 698 EC binne 12 ure teruggevind.
Volgen Lizan is die skok darem nou iets van die verlede en is hulle diep dankbaar dat sy ongedeerd daarvan afgekom het, maar bitter onge-lukkig omdat daar nie beter sekuri-teitsmaatreëls is nie.
Daar is veilig-heidskameras by die sentrum, maar ten spyte daarvan, het dit onder hul neuse gebeur.
“Ek hoop regtig die veiligheid word opgeskerp, want daar is baie studente wat die sentrum daagliks besoek,” het Lizan gesê. ’n Saak van kaping en ontvoering is by die Humewood polisiekantoor geopen.