VALERIE Smith, een van die span wat onvergeetlike aandetes by Victoria Manor op Cradock voorsit, het onlangs haar resep vir springbokfilet in ’n rooiwynsous gedeel met Mid-Karoo Express.
Smith is ook welbekend vir haar deelname aan die Queen of the Kitchen kompetisie saam met Heyla Meyer.
Springbokfilet in rooiwynsous
Bestanddele1 springbokfilet
2 knoffelhuisies, fyngemaak
250ml goeie rooiwyn
1 takkie roosmaryn, afgestroop
6 juniperbessies, fyngemaak
sout en swartpeper
250ml olie
Metode
- Meng die sousbestanddele saam en laat die filet marineer vir 2 tot 3 uur.
- Verhit jou pan tot baie warm.
- Braai die filet totdat dit halfgaar is en haal dit uit.
- Meng 100g botter by die sous in die pan en roer die mengsel goed.
- Gooi die sous deur ’n sif.
- Sny die filet in medaljes en giet die sous oor.
